दाङ,६ असार ।
दाङमा श्रीमती हत्या आरोपमा श्रीमान पक्राउ परेका छन् । प्रहरीले श्रीमतीको हत्या गरेको आरोपमा घोराही उपमहानगरपालिका वडा नम्बर ८ बेलवाका ४६ वर्षिय बालाराम चौधरीलाई पक्राउ गरेको हो ।
गत जेठ १७ गते दिउँसो ४ बजेतिर बालरामको श्रीमती प्यारी चौधरी आफ्नै घरको कोठामा मृत अवस्थामा फेला परेपछि प्रहरीले अनुसन्धान अघि बढाएको हो ।
शव परिक्षणको क्रममा बालारामले श्रीमतीलाई घाँटी थिचि मारेको प्रारम्भिक पुष्टी भएको जिल्ला प्रहरी कार्यालय दाङका प्रहरी प्रवक्ता जनक बहादुर मल्लले बताउनुभयो । घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति : २०८१ असार ७ गते बिहिवार
