रोल्पा, १२ फागुन । रोल्पामा धारिलो हतियार प्रहारबाट एक जना महिलाको मृत्यु भएको छ । माडी गाउँपालिका १ जयलखसेका भिमबहादुर बुढाले आफ्नै श्रीमती मनकुमारी बुढालाई धारिलो हतियार प्रहार गरि हत्या गरेको स्विकार गरेको प्रहरीले जनाएको छ ।
शुक्रबार दिउसो ३ बजेको समयमा माडी गाउँपालिका वडा न. १ जयलखसेका ३२ वर्षीय भिमबहादुर बुढाले मादक पदार्थ सेवन गरी आफ्नै २८ वर्षीय श्रीमती मनकुमारी बुढाको धारिलो हतियार (चक्कु ) घाँटीमा प्रहार गरेपछि उहाँको घटना घटनास्थलमा नै मृत्यु भएको इलाका प्रहरी कार्यालय घर्तिगाउँले जनाएको छ ।
मनकुमारी बुढा र भिमबहादुर बुढाका १२ बर्षका छोरा, ५ बर्षका छोरी रहेका छन् । घटना पश्चात् इलाका प्रहरी कार्यालय घर्तिगाउँबाट प्रहरी निरिक्षक कृष्ण सोनीको कमाण्डमा भिमबहादुर बुढालाई नियन्त्रणमा लिएको छ । घटनाको कारण नखुलेको र थप अनुसन्धान भइरहेको प्रहरीले जनाएको छ ।
