२०८० फाल्गुन १५ गते मङ्गलवार

लुम्बिनी प्रदेशको मन्त्रीपरिषद् विस्तारको तयारी

दाङ २८ माघ ।
लुम्बिनी प्रदेशका मुख्यमन्त्री लिला गिरीले मन्त्रिपरिषद विस्तारको तयारी गर्नुभएको छ । सम्भवतःभोलिसम्म प्रदेश मन्त्रिपरिषद विस्तार हुनसक्ने उहाँको सचिवालयले जानकारी दिएको छ ।

यसअघि नेकपा (एमाले) बाट चेतनारायण आचार्य र माओवादी केन्द्रका कृष्ण केसीले मन्त्रीको जिम्मेवारी पाएका छन् । नयाँ थपिने मन्त्रीहरुमा माओवादी केन्द्रका संसदीय दलका नेता जोखबहादुर महरा र इन्द्रजित थारु सम्भावित सूचीमा हुनुहुन्छ ।
माओवादीले आर्थिक मामिला, आन्तरिक मामिला तथा कानून मन्त्रालय र भौतिक पूर्वाधार मन्त्री पाउने करिब निश्चित भएको छ । बाँकी७ मन्त्रालय बाँडफाँड गरेर साना दललाई समेत मिलाउने गरी एमालेले तयारी थालेको छ ।

मुख्यमन्त्रीसहित १० मन्त्रालयमा एमालेलाई ४, माओवादीलाई ३ तथा राप्रपा, जनमत र जसपाले एक एक मन्त्रालय लिनेगरी दलहरुले समझदारी बनेको छ । नागरिक उन्मुक्ति पार्टी माग सम्बोधन नभएसम्म सरकारमा सहभागी नहुने जनाएको छ ।

प्रकाशित मिति : २०७९ माघ २८ गते शनिवार
प्रतिक्रिया दिनुहोस