२०८१ जेष्ठ ५ गते शनिवार

बाँकेमा सुधार गृहबाट भागेका पक्राउ

बाँके, १९ पुस । बाँकेको डुडुवा गाउँपालिका–६ स्थित जयेन्दु बाल सुधार गृहबाट भागेका चार जना आइतबार पक्राउ परेका छन्  ।जबरजस्ती करणी र कर्तव्य ज्यान मुद्दामा सजाय भोगिरहेका उनीहरू भेल्टिलेटरको ग्रिलको नट तोडेर बुधबार भागेका हुन् ।

जिल्ला प्रहरी कार्यालय बाँकेका प्रहरी प्रवक्ता डीएसपी रामप्रसाद घर्तीले फरार रहेका चारै जनालाई प्यूठानबाट नियन्त्रणमा लिइएको बताए । उनीहरू यसअघि पनि सुधार गृहमा विभिन्न बदमासी काममा संलग्न रहेको जनाइएको छ ।

कुटपिट तथा तोडफोडका घटना संलग्न रहँदै आएका थिए । त्यसपछि उनीहरूलाई जिल्ला प्रहरी कार्यलयमा समेत राखिएको थियो । कुनै अप्रिय घटना होला भनेर छुट्टै कोठामा कडा सुरक्षा गरेर राखिएका मध्ये चार जना भागेको सुधार गृहकी इन्चार्ज विमला काउचाले बताइन् । ‘बारम्बार लफडा गर्ने १० जनालाई छुट्टै समूहमा राखेका थियौं,’ उनले भनिन्, ‘तिनैमध्येबाट चार जना भागेका हुन् ।’ बाल सुधार गृहमा २ सय २८ बालक बस्दै आएका छन् ।

प्रकाशित मिति : २०७९ पुष १९ गते मङ्गलवार
प्रतिक्रिया दिनुहोस