दाङ, ३० साउन । दाङमा श्रीमातिको हत्या गरेको आरोपमा एक जना पक्राउ परेका छन् । लमही नगरपालिका- ९ स्यालेका ४४ बर्षीय चक्रबहादुर भनिने श्यामकुमार कुमाललाई श्रीमतीको हत्या गरेको आरोपमा प्रहरीले पक्राउ परेको छ । ।
कुमालको कुटपिटबाट उनको श्रीमती अन्दाजी ४० ईश्वरी कुमालको घटनास्थलमै मृत्यु भएको प्रहरीले जनाएको छ । कुटपिटबाट मृत्यु भएका श्रीमतीलाई बाटोमा छोडेर श्यामकुमार घर छोडेर भागेका थिए । उनलाई जलकुन्डीबाट गाउँलेले नियन्त्रणमा लिएर प्रहरीलाई बुझाएका थिए ।
मृतकका श्रीमान् श्याम कुमारलाई नियन्त्रणमा लिएको जिल्ला प्रहरी कार्यालय दाङका प्रहरी प्रवक्ता डिएसपी रामप्रसाद तिमिल्सिनाले जानकारी दिनुभयो ।स्थानीयका अनुसार कुमाल दम्पती दैनिकजसो मादक पदार्थ सेवन गर्ने, झैझगडा गर्ने, कुटपिटसम्म गर्ने गर्थे ।
अहिले ईश्वरीको शव पोष्टमार्टमका लागि लमही अस्पतालमा राखिएको छ । घटनाबारे थप अनुसन्धान भइ रहेको प्रहरीले बताएको छ ॥
