दाङ, १२ साउन । दाङमा सामूहिक बलात्कार प्रयासको आरोपमा तिन जना पक्राउ परेका छन् । तुलसीपुर १२ कपडादेवी सामुदायिक जंगलमा ३२ वर्षिया महिलालाई सामूहिक बलात्कार प्रयास गरेको आरोपमा तीन जनालाई पक्राउ गरेको इलाका प्रहरी कार्यालय तुलसीपुरका प्रवक्ता पर्वत केसीले जानकारी दिनुभयो ।
पक्राउ पर्नेमा तुलसीपुर उपमहानगरपालिका ६ का २२ वर्षिय दुर्गा बहादुर केसी, तुलसीपुर १२ का २० वर्षिय अभिषेक चौधरी र सोेही ठाउँ बस्ने १९ वर्षिय तिलक परियार रहेका छन् ।
उनीहरुले ती महिलालाई बलात्कार प्रयास गर्नुका साथै महिलासंग भएको एक तोलाको सुनको सिक्री, एक थान मोबाइल र नौं हजार नगद रुपैँया लुटेर भागेका थिए । उनीहरुलाई प्रहरीले बिहीबार बिहान राप्ती बबई क्याम्पस नजिकबाट पक्राउ गरेको हो ।
बुधवार बेलुकीको घटना भएपनि हिजो मात्रै किटानी जाहेरी परेकाले सामूहिक बलात्कार प्रयास र डाँकाचोरी मुद्दा दर्ता गरी पक्राउ परेका तीनै जनालाई म्याद थपका लागि दाङ जिल्ला अदालत घोराही पठाइएको प्रवक्ता केसीले जानकारी दिनुभयो ।
