२०८२ बैशाख १७ गते बुधवार

प्रदेश सरकारले आज आगमी वर्षको बजेट ल्याउँदै

दाङ, १ असार । लुम्बिनी प्रदेश सहित ६ वटा प्रदेश सरकारले आज आगामी आर्थिक वर्षको बजेट ल्याउदैछन् । लुम्बिनी प्रदेश राजधानी देउखुरीमा दिउँसो ३ बजे बस्ने प्रदेश सभाको बैठकमा आर्थिक मामिला मन्त्री धनबहादुर मास्कीले आगामी वर्षको बजेट पेश गर्नुहुने छ ।

यस वर्ष बजेट कटौती भएका कारण चालु आर्थिक बर्षको तुलनामा बजेटको आकार घट्ने छ । सात मध्ये कोसीले हिजै अध्यादेश मार्फत् बजेट सार्वजनिक गरिसकेको छ भने बाँकी छ वटा प्रदेश सरकारले आज सार्वजनिक गर्दैछन् ।

अन्तर सरकारी वित्त व्यवस्थापन ऐनमा प्रदेश सरकारले असार १ गते बजेट सार्वजनिक गर्नुपर्ने प्रावधान छ । कृषि, स्वास्थ्य, शिक्षा लगायत भौतिक पूर्वाधार निर्माण प्रदेशहरुको प्राथमिकतामा परेका छन् ।

सुदूरपश्चिम प्रदेश सरकारले आज अपराह्न ४ बजेपछि बस्ने प्रदेशसभा बैठकमा आर्थिक वर्ष २०८०÷८१ को राजस्व र व्ययको वार्षिक अनुमान (बजेट) प्रस्तुत गर्न लागेको छ ।

अपराह्न ३ बजे बस्ने प्रदेशसभा बैठकमा गण्डकी प्रदेशका अर्थमन्त्री जीतप्रकाश आले मगरले बजेट प्रस्तुत गर्दै हुनुहुन्छ । गण्डकी प्रदेशको बजेट ३३ अर्ब आसपासको हुने बताइएको छ ।

प्रकाशित मिति : २०८० असार १ गते शुक्रवार
प्रतिक्रिया दिनुहोस