दाङ, ६ माघ ।
लागुऔषध ब्राउन सुगरसहित दाङका एक जना पक्राउ परेका छन् ।
बाँके प्रहरीले लागु औषध ब्राउन सुगरसहित घोराही उपमहानगरपालिका १४ नयाँ बजार निवासी १९ वर्षीय महेन्द्र बुढा मगरलाई पक्राउ गरेको हो ।
भारतबाट नेपालतर्फ पैदल आउदै गरेको अवस्थामा प्रहरीले बाँकेबाट पक्राउ गरेको हो । पक्राउ परेका उनको साथबाट ९ ग्राम ब्राउनसुगर बरामत गरिएको बाँके प्रहरीले जनाएको छ ।
इलाका प्रहरी कार्यालय जमुनाह र लागु औषध नियन्त्रण ब्युरो नेपालगञ्जबाट खटिएको संयुक्त प्रहरीको टोलीले उनलाई पक्राउ गरेको हो । पक्राउ परेका युवकमाथि थप अनुसन्धान भइरहेको छ ।
प्रकाशित मिति : २०७९ माघ ६ गते शुक्रवार
