रुकुम पश्चिम, २७ जेठ । रुकुम पश्चिममा जुम्ल्याहा छोरासहित एक महिला बेपत्ता भएकी छिन् । बाफिकोट गाउँपालिका वडा नम्बर ८ बस्ने २४ वर्षीय अंकिता केसीनाथ दुई छोरासहित बेपत्ता भएको परिवारले जनाएको छ ।
जिल्ला प्रहरी कार्यालय रुकुम पश्चिमका अनुसार अंकिता ७ वर्षका दुई छोरा कुशलनाथ र किस्मतनाथ सहित गत जेठ १३ गतेदेखि बेपत्ता भएकी हुन् ।
जिल्ला प्रहरी कार्यालयका सूचना अधिकारी प्रहरी निरीक्षक बखतबहादुर शाहीका अनुसार घरबाट जिल्ला अस्पताल सल्लेमा चेकजाँचका लागि भन्दै हिँडेकी र हालसम्म पनि परिवारको सम्पर्कमा नआएकाले खोजी कार्यका लागि निवेदन प्राप्त भएको छ ।
अंकिताका ससुरा बुबा हरिबहादुर नाथले बुहारी र नातिहरूको खोजीकार्यको मागसहित प्रहरीमा निवेदन थिए ।
प्रकाशित मिति : २०८१ जेष्ठ २७ गते आइतवार
