तुलसीपुर, ११ बैशाख । तुलसीपुरमा कार र मोटरसाइकल ठोक्किएका छन् । तुलसीपुर–घोराही सडकखण्डको तुलसीपुर–६ गुल्मचोकमा कार र मोटरसाइकल ठोक्किदा तीन जना घाईते भएका छन् ।
घोराहीबाट तुलसीपुर–७ झुमरेतर्फ जाँदै गरेको बागमती प्रदेश ०१–०२६ च ४३२२ नम्बरको कार र तुलसीपुरबाट घोराहीतर्फ जाँदै गरेको रा ३ प ९८६ नम्बरको मोटरसाइकल मंगलबार दिउँसो २ बजेतिर एकआपसमा ठोक्किएर दुर्घटना भएको हो ।
दुर्घटनमा मोटरसाइकमा सवार दुई जना र एक जना पैदलयात्री घाईते भएको इलाका प्रहरी कार्यालय तुलसीपुरका प्रहरी प्रवक्ता प्रहरी निरिक्षक नवचन्द्र मल्लले जानकारी दिनुभयो । विस्तृत विवरण आउन बाँकी रहेको छ । घाईतेलाई राप्ती प्रादेशिक अस्पतालमा लगिएको छ ।
प्रकाशित मिति : २०८१ बैशाख ११ गते मङ्गलवार
