तुलसीपुर, १० बैशाख । अप्टिमिष्ट क्लब अफ दाङको नयाँ वर्ष २०८१ सालको भित्रेपात्रो सोमबार बिमोचन गरिएको छ ।
क्लबका अध्यक्ष डिआर भण्डारीको अध्यक्षतामा भित्रेपात्रो बिमोचन गरिएको हो । अध्यक्ष भण्डारीले क्लबले बनाएको भित्तेपात्रोले कामलाई सफल बनाउन महत्वपूर्ण भूमिका खेल्ने बताउनुभयो ।
उहाँले पछिल्लो समय आम नागरिक निराशातिर जाँदा आत्महत्या जस्ता अपराधमा जोडिन थालेकाले अप्टिमिष्ट क्लबले सकारात्मक सोचको विकास गराउन लागि परेको बताउनुभयो ।
उहाँले विद्यालयस्तरमा विद्यार्थीबाटै सकारात्मक सोचको विकास गराउन विभिन्न विद्यालयमा क्लबले कार्यक्रम गरिरहेको बताउनुभयो ।
कार्यक्रममा जेसिज तुलसीपुर वर्ष २०२४ का अध्यक्ष पूर्णबिक्रम डाँगी, मानव अधिकार तथा शान्ति समाज दाङका सहसचिव माधव बस्नेत लगायतले समाज रुपान्तरणमा अप्टिमिष्ट क्लबको भूमिका महत्वपूर्ण रहेको बताउनुभयो ।
क्लबका उपाध्यक्ष कोमल डिसीको स्वागत मन्तव्यबाट शुरु भएको कार्यक्रमको सहजीकरण क्लबका कोषाध्यक्ष तिलकराम कालाथोकीले गर्नुभएको हो ।
