दाङ, २५ चैत । दाङमा अटो मिक्चर बोकेको ट्याक्टरसंग ठोक्किदा ७ जना घाइते भएका छन् ।
शान्तीनगर-४ चिराघाटबाट शान्तीपुर जाँदै गरेको रा १ ह २६१२ नंम्बरको अटो सोहि दिशातर्फ जादै गरेको मिक्चर बोकेको रा १ त ३७४३ नम्बरको ट्याक्टर संग ठोक्किदा ७ जना घाइते भएका हुन् ।
घाइते हुनेमा अटो चालक -शान्तिनगर ४ का ३८ वर्षका ज्ञान बहादुर केसी, अटोमा सवार सोही ठाँउका तुलसीराम पुनको छोरा ८ वर्षका अनुराग पुन, सोही ठाँउका ३७ वर्षका दुर्गा राईमाझी, उहाँको छोरी १३ वर्षकी दिपशिखा राईमाझी, सोहि ठाउँका ३१ वर्षिय यामा पुन, २६ वर्षका पार्वती पुन र शान्तिनगर ४ बस्ने वर्ष ९ का कृष्णा पुन रहेको प्रहरीले जनाएको छ ।
प्रकाशित मिति : २०८० चैत्र २५ गते आइतवार
