दाङ, १२ चैत । दाङमा होलिकै दिन सोमबार आज ट्याक्टरको ठक्करबाट एक बालिकाको मृत्यु भएको छ । ट्याक्टरको ठक्करबाट बाँकेको नेपालगञ्ज उपमहानगरपालिका वडा नम्बर ६ फूलटेक्राका अब्दुल जब्बर भाँडको साढे दुई वर्षको छोरी सुबिनाको मृत्यु भएको हो ।
तुलसीपुर उपमहानगरपालिका वडा नम्बर १२ स्थित पशुपति इट्टाभट्टामा रा १ त १५५९ नम्बरको ट्याक्टरले ठक्कर दिएको हो ।
बालिकाको राप्ती प्रादेशिक अस्पतालमा उपचारको क्रममा निधन भएको इलाका प्रहरी कार्यालय तुलसीपुरका प्रहरी निरिक्षक नवचन्द्र मल्लले जानकारी दिनुभयो । चालक र ट्याक्टरलाई प्रहरीले नियन्त्रणमा लिएको छ ।
प्रकाशित मिति : २०८० चैत्र १२ गते सोमवार
