तुलसीपुर, ९ चैत । बिजौरी उद्योग वाणिज्य संघले राप्ती अञ्चल संयुक्त ट्रक यातायात व्यवसायी समितिका नवनिर्वाचित पदाधिकारीलाई शुक्रबार स्वागत-सम्मान गरेको छ । समितिको गत फागुन २९ गते भएको निर्वाचनमा नव निर्वाचित पदाधिकारीलाई संघले स्वागत गरेको हो ।
संघका अध्यक्ष रेश्मीराज खड्काको अध्यक्षता तथा समितिका नवनिर्वाचित अध्यक्ष उमेशचन्द्र मज्गैँयाको प्रमुख आतिथ्यतामा स्वागत सम्मान गरिएको हो । त्यस अवसरमा नवनिर्वाचित अध्यक्ष मज्गैँयाले नेतृत्वका लागि चुनाव भएपनि पराजित पक्षसंग आवश्यक समन्वय गरेर कार्यकाल सफल बनाउने बताउनुभयो ।
उहाँले व्यवसायीक हकहितका लागि निरन्तर लाग्ने बताउनुभयो । यस्तै नवनिर्वाचित वरिष्ठ उपाध्यक्ष प्रेमनाथ योगी कार्यकाल सफल बनाउन सबैको सहयोग आवश्यक रहेको बताउनुभयो ।
यस्तै संघका पूर्व अध्यक्ष मुकेश वलीले लोकतान्त्रिक प्रक्रियामा हारजित भएपनि सबैको सहकार्य आवश्यक रहेको बताउनुभयो । संघका वाणिज्य उपाध्यक्ष डिल्लीबहादुर खत्रीको स्वागत मन्तव्यबाट शुरु भएको कार्यक्रमको सहजीकरण महासचिव दिपक कुमार बस्नेतले गर्नुभएको हो ।
