दाङ, २८ माघ । नेकपा (एमाले)का महासचिव शंकर पोखरेल सवार स्कोरपियो गाडी दुर्घटना भएको छ ।
महासचिव पोखरेल चढेको म १ च ३६९ नम्बरको स्कोरपियो शनिबार दिउँसो करिब ३ बजेतिर दैलेखको डुंगेश्वर गाउँपालिकाको चुप्रा बजार नजिक दुर्घटना भएको हो ।
एमालेका उपमहासचिव विष्णु रिमालले जिप दुर्घटनाको फोटो सार्वजनिक गर्दै ‘एउटा अकल्पनीय क्षति हुनबाट जोगिएको भयानक दुर्घटना’ भनेर सामाजिक सञ्जालमा लेख्नुभएको छ ।
महासचिव पोखरले सकुसल रहेको प्रहरीले जनाएको छ । महासचिव पोखरेल जिल्ला अधिवेशनमा सहभागी हुन सुर्खेतबाट दैलेख जाँदै गर्दा दुर्घटनामा पर्नुभएको हो ।
प्रकाशित मिति : २०८० माघ २८ गते आइतवार
