२०८१ बैशाख ११ गते मङ्गलवार

दाङमा बोलेरो गाडीको ठक्करबाट मोटरसाइकल चालकको घटनास्थलमै मृत्यु

दाङ, २० माघ । दाङमा बोलेरो गाडीको ठक्करबाट मोटरसाइकल चालकको मृत्यु भएको छ । दुर्घटनामा परि मोटरसाइकल चालक राप्ती गाउँपालिका ८ बिजौरी निवासी २८ वर्षिय सुनिल चौधरीको घटनास्थलमै मृत्यु भएको जिल्ला प्रहरी प्रवक्ता डिएसपी जनक बहादुर मल्लले जानकारी दिनुभयो ।

लमही- भालुवाङ सडक खण्डको राप्ती गाउँपालिका-५ कमलरोड सिसहनियाँ( दोलाई खोला) नजिक गएराति पौने १० बजेको समयमा रोल्पा देखि घोराही आउँदै गरेको बा १८ च ८६१८ नम्बरको बोलेरो गाडीले पश्चिमदेखि पुर्व जाँदै गरेको लु ३२ प ७०१४ नम्बरको मोटरसाइकललाई ठक्कर दिँदा मोटरसाईकल चालक चौधरीको घटनास्थलमै मृत्यु भएको हो ।

मृतक चालकको टाउको छेदविच्छेद भएर चुडिएको छ । मृतकको शवलाई लमही पठाइएको छ भने गाडी चालक घाइते भएका छन् । गाडी चालक रुपन्देहीको शुद्धोधन गाउँपालिका -२ बस्ने आस्वीन सुनार घाइते भएको प्रहरीले जनाएको छ । सुनारको आँखा र नाकमा गहिरो चोट लागेकाले सिसहनियाँ स्वास्थ्य चौकीमा सामान्य उपचार पछि थप उपचारका लागि भैरहवा पठाइएको छ ।

प्रकाशित मिति : २०८० माघ २० गते शनिवार
प्रतिक्रिया दिनुहोस