२०८० फाल्गुन १५ गते मङ्गलवार

मेट्रो कलेजको अभियान, सबै विद्यालय तहमा शिक्षा

तुलसीपुर, १८ मंसिर । तुलसीपुर मेट्रो कलेजले तुलसीपुरका विभिन्न विद्यालयहरुमा कानुनी साक्षरता कार्यक्रम सञ्चालन गरेको छ । विद्यालय तहमा अध्ययनरत विद्यार्थीहरुलाई बाल अधिकार, बालविवाह, महिला हिंसा र साइबर कानूनका बारेमा जानकारी दिनका लागि यस्तो कार्यक्रम सुरुवात गरिएको कलेज प्रमुख वसन्त आचार्यले बताउनुभयो ।


कलेजमा बिएएलएलबी कार्यक्रममा अध्ययनरत विद्यार्थीहरुले एकैदिन तुलसीपुर क्षेत्रका १० वटा विद्यालयहरुमा कानूनी साक्षरता सम्बन्धि जानकारी गराएका हुन् । महिला हिँसाको १६ दिवसिय अभियानको अवसर पारेर अभियानको सुरुवात गरिएको कार्यक्रम संयोजक विजय पोख्रेलले जानकारी दिनुभयो ।

उहाँले यस्तो कार्यक्रमलाई अन्य विद्यालयहरुमा पनि विस्तार गर्दै लगिने बताउनुभयो । कानूनी ज्ञान सबैका लागि अपरिहार्य भएको हुँदा कलेजले सबै तहमा कार्यक्रम सञ्चालनको योजना बनाएको उहाँले बताउनुभयो ।

पहिलो चरणमा कलेजले तुलसीपुर क्षेत्रमा महेन्द्र मावि, सरस्वती मावि दमारगाउँ, मावि अश्वारा, आदर्श मावि, पशुपति मावि, अमर मावि,लक्ष्मीपुर मावि, जनजागृति मावि रनियापुर, बालमितेरी मावि भोजपुर र गुरुजजुर मावि रक्षाचौरमा यस्तो कार्यक्रम सञ्चालन गरेको कलेजले जनाएको छ ।

प्रकाशित मिति : २०८० मङ्सिर १८ गते सोमवार
प्रतिक्रिया दिनुहोस