कपुरकोट, १ कात्तिक । हिन्दु धर्मावलम्बीहरूको महान् पर्व बडादसैँको आठौँ दिन महाअष्टमीका अवसरमा आज सल्यानको कपुरकोटमा रहेको दक्षिण कालिका शक्तिपीठ मन्दिरमा विशेष पूजाआराधना गरिएको छ ।
महाअष्टमीका दिन शक्तिस्वरूपा देवी दुर्गाको विधिपूर्वक पूजाआराधना गर्दै भक्तजनहरूले देवीको दर्शन गरेका छन् । यस अवसरमा मन्दिरमा देवीलाई बलि चढाउने धार्मिक परम्पराअनुसार बलिसमेत दिइएको छ ।
बडादसैँको महाअष्टमीलाई देवी दुर्गाको विशेष पूजा गरिने महत्त्वपूर्ण दिनका रूपमा लिइन्छ । यस दिन शक्तिपीठ तथा देवी मन्दिरहरूमा भक्तजनको उपस्थिति रहने र घरपरिवारमा सुख, शान्ति, समृद्धि तथा कल्याणको कामना गर्दै पूजाआराधना गर्ने धार्मिक परम्परा रहिआएको छ ।
दक्षिण कालिका शक्तिपीठमा पनि महाअष्टमीका अवसरमा धार्मिक विधिअनुसार पूजाआराधना गरिएको हो ।
प्रकाशित मिति : २०८३ कार्तिक २ गते आइतवार
