दाङ, २८ कार्तिक । प्रविधिको विकास, आर्थिक सम्पन्नता लगायतका कारण नेपालीहरूले मनाउने तिहार, छठ लगायतका ठूला पर्वहरू महङ्गो हुँदै गएका छन् ।
सम्पन्न व्यक्तिहरूले गर्ने अनावश्यक खर्चका कारण निम्न आर्थिक अवस्थाका व्यक्ति, परिवार र सदस्यहरू ऋण काढेर पनि खर्च गर्नुपर्ने अवस्थामा पुग्ने गरेको बिभिन्न अध्ययनहरूले देखाएका छन् ।
तिहारको बेलामा विशेषगरी, घर सजावट, यातायातका साधनको खरिद र खानपानमा अत्यधिक खर्च गर्ने परिपाटीको विकास हुँदै गएको भन्दै विज्ञहरूले परिवर्तनका लागि एकै व्यक्तिले भए पनि सुरुवात गर्नुपर्नेमा जोड दिएका छन् ।
चाडपर्वमा गर्ने तडकभडक रोक्ने कानुन भए पनि प्रभावकारी कार्यान्वयन नहुँदा समस्या बढेको अर्थ बिज्ञको भनाई छ । चाडपर्व मनाउने बारेमा घरपरिवारका सदस्य बीचमा छलफल भएमा अनावश्यक खर्च र ऋणको भारी बोक्न नपर्ने उनिहरुको भनाइ छ ।
प्रकाशित मिति : २०८० कार्तिक २८ गते मङ्गलवार
