दाङ, ६ कार्तिक । नेकपा एमालेका महासचिव शंकर पोखरेलले चाडपर्वले सभ्य समाज निर्माण गर्न प्रेरित गर्ने बताउनु भएको छ । बडा दशै, शुभ दीपावली तथा छठ पर्वको अवसरमा तुलसीपुर उपमहानगरपालिका वडा नम्बर १९ मा रहेको नयाँ पाइला पुर्नःस्थापना केन्द्रले आयोजना गरेको कार्यक्रममा उहाँले यस्तो बताउनु भएको हो ।
महासचिव पोखरेलले चाडपर्वले संस्कृतिका नाममा फैलिएका विकृतिलाई नयाँ पुस्ताले हटाउँदै जानुपर्ने बताउनुभयो । नेपालमा सीमाका कारण लागुपदार्थ दुव्र्यशनी बढ्दो क्रममा रहेकाले नेपाल सरकारले नियन्त्रणमा विशेष सावधानीपूर्वक अभियान थाल्नुपर्ने बताउनुभयो ।
उहाँले समाजमा बढ्दो दुव्र्यशनी हटाउन गृह मन्त्रालयको मात्रै पहलले नहुने भन्दै विद्यालय तहबाटै सचेतनाका कार्यक्रम गर्नुपर्ने बताउनुभयो । पछिल्लो समय घर परिवारका अभिभावकले कार्य व्यस्तताका कारण बालबालिकालाई चासो नदेखाएका कारण दुव्र्यशनीको समस्या थप विकराल बन्दै गएको बताउनुभयो ।
यसको लागि अभिभावकले निगरानी बढाउनुपर्ने उहाँले बताउनुभयो । आफ्नो बालबालिकालाई समय दिने र उनिहरुलाई असल संस्कार दिनु अभिभावकको जिम्मेवारी भएको बताउनुभयो ।
कार्यक्रममा नगरप्रमुख टीकाराम खड्काले पालिकाको तर्फबाट लागुपदार्थ दुव्र्यशनी न्यूनिकण गर्न सचेतनाको कार्यक्रम गरेपनि विद्यालय तहसम्म नपुग्दा प्रभावकारी बन्न नसकेको बताउनुभयो ।
उहाँले प्रहरीको सक्रियता र अभिभावक शिक्षा अनिवार्य रहेको बताउनुभयो । जिल्ला प्रहरी कार्यालय दाङका प्रहरी प्रमुख रामबहादुर केसीले देशकै जनशक्ति युवा लागुपदार्थ दुव्र्यशनमा फसि रहेकाले यसको नियन्त्रणमा सबैको सहयोग आवश्यक रहेको बताउनुभयो ।
दाङ जिल्ला उद्योग बाणिज्य संघका प्रमुख बसन्त कुमार जोशी, साक्षर नेपाल दाङका अध्यक्ष बिन्दु गिरी, डिल्ली केसी, शकर आषिश आचार्य, बसन्तबहादुर पुन, डिल्लीबहादुर रावत लगायतले लागु औषधको दुव्र्यशनी पछिल्लो समय धेरै बढेकाले यसको नियन्त्रणका लागि सरोकारवाला निकाय, गाउँ समाज सबैले सोच्नुपर्ने बताएका हुन् ।
नयाँ पाइला पुर्नःस्थापना केन्द्रका सल्लाहकार सुनिल पोख्रेलको अध्यक्षतामा कार्यक्रम भएको हो । त्यस अवसरमा आमन्त्रीत सबैलाई संस्थाका सल्लाहकार शुष्मा लामिछानेले धन्यावाद ज्ञापन गर्नु भएको हो । संस्थाका सल्लाहकार सुन्दर गौतमको स्वागत मन्तव्यबाट सुरु भएको कार्यक्रमको सहजीकरण संस्थाका प्रेस संयोजक गोकणर् पौडेलले गर्नु भएको हो ।
