दाङ, २८ साउन । दाङमा खोलाले बगाएर बेपत्ता भएका ६४ वर्षीय वृद्धको शव फेला परेको छ ।
पत्रे खोलाले बगाउँदा बेपत्ता भएका घोराही उपमहानगरपालिका–११ झमरे निवासी ६४ बर्षीय तिलकराम विकको शव फेला परेको जिल्ला प्रहरी कार्यालय दाङका प्रहरी प्रवक्ता राजनकुमार गौतमले जानकारी दिनुभयो ।
उहाँका अनुसार आइतवार विहान करिव साढे ८ बजेतिर घर नजिकै रहेको पत्रे खोलाले बगाउँदा बेपत्ता भएका थिए । घरमा शौचालय नभएका कारण दिसा गर्न खोला गएको समयमा बगेका विक दिउँसो मृत अवस्थामा भेटिएको प्रहरीले जनाएको छ ।
प्रहरीका अनुसार शव घोराही उपमहानगरपालिका–९ तेघरास्थीत हापुर खोलामा जंगलमा घोप्टो परेको अवस्थामा फेला परेको हो ।
प्रकाशित मिति : २०८० साउन २८ गते आइतवार
