२०८१ बैशाख ९ गते आइतवार

आँखाको सरसफाईमा ध्यान दिउँ : श्रेष्ठ

लमही, १७ असार । नेपाल औषधि व्यवसायी संघका केन्द्रीय सदस्य प्रकाश श्रेष्ठले संसार देखाउने आँखा जस्तो महत्वपूणर् अंगलाई सरसफाईमा ध्यान दिनु पर्ने तथा जोगाएर राख्नुपर्ने बताउनु भयो ।

नेपाल औषधि व्यवसायी संघ जिल्ला शाखा दाङले शनिबार व्यवसायीहरुका लागि आयोजना गरेको एक दिने आँखा सम्बन्धि तालिमको उद्घाटन गर्दै केन्द्रीय सदस्य श्रेष्ठले सो कुरा बताउनु भएको हो ।

बेला बेलामा सम्बन्धित डाक्टरहरुलाई आँखाको चेकजाँच गराउन समेत सबैमा अनुरोध गर्नु भएको छ । आँखा हाम्रो अमुल्य ज्योति हो, यदि आँखा भएन भने हामीले केहि गर्न सक्दैनौ, आँखा जस्तो संवेदनशील अंगसंग खेलवाड नगरौं, धुलो धुवा, पुतली जस्ता आँखालाई हानि नोक्सानी पुर्याउने तत्वसंग बच्न र हाम्रा सेवाग्राहीलाई पनि राम्रो सल्लाह सुझाव दिनु पर्छ’- श्रेष्ठले भन्नु भयो ।

त्यस्तै जिल्ला अध्यक्ष बिष्णु प्रसाद पौडेलले वर्षायाम शुरु भएसंगै आँखामा लाग्ने विभिन्न खालका रोगहरुबाट बच्न सतर्कता अपनाउनु पर्ने बताउनु भयो । त्यस्तै सेता खालका पुतली जो घरमा बालिने बत्तिको उज्यालोमा आउने गर्दछन, त्यस्ता खाले पुतली आँखाको लागि निकै खतरनाक मानिन्छन । यो पुतलीलाई हातले छोएर आँखा मिच्नु हुँदैन, यदि छोई हालेमा साबुन पानीले तुरुन्तै हात सफा गर्नु पर्छ भन्ने खालका सन्देशपनि पनि हामीले समाजमा दिन जरुरि छ’- अध्यक्ष पौडेलले भन्नु भयो ।

नेपाल औषधि व्यवसायी संघ जिल्ला शाखा दाङको आयोजना तथा नेपाल नेत्रज्योति संघ रक्षाचौर तुलसीपुरको प्राविधिक सहयोगमा कार्यक्रम सम्पन्न भएको कार्यक्रममा जिल्लाभरका ६० जना औषधि व्यवसायीहरुको सहभागिता रहेको थियो । नेपाल औषधि व्यवसायी संघ दाङका अध्यक्ष बिष्णु प्रसाद पौडेलको अध्यक्षता तथा केन्द्रीय सदस्य प्रकाश श्रेठको प्रमुख आतिथ्यतामा सम्पन्न भएको एक दिने तालिमको सहजीकरण सचिव सुनिल कुमार रेग्मीले गर्नु भएको थियो ।

मानव जीवनमा सबैभन्दा संवेदनशील अंग भनेको आँखा हो, त्यसकारण यसको सुरक्षामा पनि ध्यान दिन जरुरी छ । बाटो हिँड्दा धुलो, धुवाँ होस् या कलकारखानामा काम गर्दा वा मेसिनेरी उपकरण चलाउने काम गर्दा, स-साना कणहरू आएर आँखामा पर्ने सम्भावना हुन्छ । त्यसकारण आँखाको सुरक्षाका लागि चस्मा लगाउने तथा सुरक्षित उपाय अपाउनुपर्दछ ।

आँखालाई कसरी जोगाउने सकिन्छ ?

सफा पानीले बिहान आँखा पखाल्ने, बाहिरबाट घर आएपछि हातमुख मात्र नभएर आँखालाई पनि अनिवार्य रुपमा सफा पानीले पखाल्नुपर्छ । आँखा चिलाएको छ भने सफा पानीले पखालेर आइसलाई रुमालमा बेरेर आँखालाई चिसोले सक्दा आराम मिल्छ । बाहिर निस्किंदा आँखालाई धुवाँधुलोबाट बचाउन चश्माको प्रयोग गर्नुपर्छ ।

प्रकाशित मिति : २०८० असार १७ गते आइतवार
प्रतिक्रिया दिनुहोस