दाङ, २३ कार्तिक । रोल्पाबाट तुलसीपुरतर्फ आउदै गरेको जिप दुर्घटनामा परेको छ । रोल्पाको बसारेबाट तुलसीपुर आउदै गरेको लु १ ज २३८६ नम्बरको जिप शुक्रबार दिउँसो त्रिवेणी गाउँपालिका-३ तिखनभिर स्थित भित्री सडक खण्डमा दुर्घटनामा परेको रोल्पा प्रहरीले जनाएको छ ।
दुर्घटनामा परी १० जना घाइते भएका छन् । जिल्ला प्रहरी कार्यालय रोल्पाका अनुसार रोल्पा सुकिदह-४ पाखापानि बस्ने बर्ष ७० का भरत बहादुर वली, सोही ठाँउका १८ वर्षका लोकेन्द्र खत्री, ३४ वर्षका तिलक केसी, १३ वर्षका लक्ष्मी केसी, ३९ वर्षका रुपा केसी, १२ वर्षका नबिन केसी घाइते हुनुभएको छ ।
यस्तै सुकिदह-४ पाखापानीकै ९ वर्षका मोहन केसी, ३७ वर्षका दिपक खत्री, २६ वर्षका भुपाल खत्री र २३ वर्षका निर्मला वली घाइते भएको प्रहरीले जनाएको छ । घाइतेहरु सबैको राप्ती प्रादेशिक अस्पताल तुलसीपुरमा उपचार भइरहेको छ ।
जिपमा १२ जना सवार रहेका थिए । रोल्पा सुकिदह गाउपालिका-४ बस्ने २० वर्षका जिप चालक करन वली र गाडी धनि रमेश वली सामान्य घाइते भएको र दुवै जनालाई प्रहरीले नियन्त्रणमा लिएको छ ।
