रोल्पा, २० कार्तिक । रोल्पामा मोटरसाइकल दुघर्टना हुँदा एक जनाको मृत्यु भएको छ । दुघर्टनामा परी सुनछहरी गाउँपालिकाका-१ झम्कीका २८ वर्षिय महिला खुनो बिकको मृत्यु भएको हो ।
दुर्घटनामा उहाँका श्रीमान मोटरसाइकल चालक ३२ वर्षिय मोहन बिक घाइते भएको रोल्पा प्रहरीले जनाएको छ ।
पोबाङदेखि झम्कितर्फ जाँदै गरेको रा ६ प ४०५३ नम्बरको मोटरसाइकल सुनछहरी गाउँपालिका-५ थनवाङ स्थित अनियन्त्रित भई सडकको छेउमा पल्टिएको हो । मृतक बिक सडकबाट ५० मिटर तल खसेको प्रहरीले जनाएको छ ।
प्रकाशित मिति : २०८१ कार्तिक २० गते मङ्गलवार
