दाङ, १७ कार्तिक । दाङमा आज बिहानै बस दुर्घटनामा परेको छ । तुलसीपुर–घोराही सडक खण्ड अन्तगर्त सौडीकुलामा बिहान ७ बजेतिर ना ५ ख ७३१७ नम्बरको बस दुर्घटनामा परेको हो ।
बस तुलसीपुरबाट घोराहीतर्फ जान लागेको थियो । जिल्ला प्रहरी कार्यालय दाङका प्रवक्ता डिएसपी इश्वर थापाले गाडीमा चालकमात्रै भएका कारण ठुलो क्षति हुन नपाएको बताउनुभयो । उहाँका अनुसार चालकको अवस्था सकुशल रहेको छ ।
ट्रकलाई साइड दिने क्रममा बस सडकमै पल्टीएको हो । बसलाई डोजरको सहायताले उठाएको प्रहरीले जनाएको छ ।
प्रकाशित मिति : २०८१ कार्तिक १७ गते शनिवार
