दाङ,१८ जेठ । नेपाली चलचित्र क्षेत्रमा एक्सन किङका रूपमा परिचित निखिल उप्रेती शनिवार दाङ आउनुहुने भएको छ ।
चलचित्र पत्रकार संघ नेपाल दाङ शाखाको आयोजना तथा शान्तिनगर गाउँपालिकाको सहकार्यमा हुन लागेको पर्यटन प्रवर्द्दनका लागि सिनेमा र पर्यटन विषयक बहस कार्यक्रममा अभिनेता उप्रेती प्रमुख बक्ताको रूपमा दाङ आउन लागेको चलचित्र पत्रकार संघ नेपाल दाङका अध्यक्ष सन्तोष केसीले जानकारी दिनुभयो ।
उहाँका अनुसार भोलि (शनिबार) को कार्यक्रम शान्तिनगर गाउँपालिका वडा नम्वर ३ स्थित धार्मिक तथा पर्यटकिय क्षेत्र सुईकोटमा आयोजना गरिएको छ ।
दाङमा आन्तरिक पर्यटन प्रवर्द्द्नका लागि नेपाली सिनेमाको भुमिकाका विषयमा बहस हुदैछ। कार्यक्रममा अभिनेता निखिल उप्रेती संगै वक्ताका रूपमा चलचित्र पत्रकार संघका केन्द्रीय उपाध्यक्ष कुबेर गिरी र शान्तिनगर गाँउपालिकाका अध्यक्ष प्रमोद बस्नेतसंग सिनेमा सम्वाद गर्न लागिएको छ ।
कार्यक्रमको सहजकर्ताका रूपमा चलचित्र पत्रकार संघ नेपालका केन्द्रीय सदस्य धुर्वराज न्यौपाने(डिआरएन) रहनुभएको छ ।
शनिबार बिहान १० बजेदेखि सुन्दरादेवि भगवती मन्दिर परिसर सुईकोटमा सुर हुने चलचित्र बहसमा उपस्थितिका लागि सचिव निरला अर्याल गैरेले सबैमा अनुरोध गर्नुभएको छ ।
