२०८१ बैशाख ५ गते बुधवार

लोक सेवाको ६ वटा परीक्षामा सफल बाजुराकी छाया


बाजुरा, ५ माघ । बुढीगंगा नगरपालिका- ६ माल्ताकी छाया जैशीले १० महिनाको अवधिमा लोक सेवा आयोगले लिएका ६ वटा लिखित परीक्षामा सफलता हात पार्नुभएको छ ।

देशकै बिकट जिल्ला बाजुराको बिकट भानुदोय माविबाट एसईई उत्तीणर् जैसीले २०८० बैशाख यता लोकसेवा आयोगका ६ वटा लिखित परीक्षामा सफलता हात पार्नुभएको छ ।

चार वटाको मौखिक परीक्षाफल आउन बाँकी रहदा जोशी कोशी प्रदेशमा मौखिक परीक्षामा उत्तीणर् भएर उदयपुर जिल्लाको ताप्ली गाउँपालिकामा सेवा दिन थालिसक्नुभएको छ ।

असफलताबाट कहिल्यै हरेश नखाएकी जैसीले कठोर र अविचलित संघर्षबाट आफूले यो सफलता हात पारेको बताउनुभयो ।

सफलता कुनै भूगोलले तय नगर्ने जैसीको सफलताले पुष्टि गरेको छ । कुन भूगोल र कस्तो पारिवारमा जन्मियो, त्यसले उसको सफलता निर्धारण नगर्ने समेत देखिएको छ ।

कक्षा १ देखि १२ सम्म भानुदय माविमै पढेकी छायाले सोही विद्यालयबाट कृषि प्राबिधिकको शिक्षा लिनुभएको छ । छायाका सात दिदी भाई छन् । जसमध्ये उहाँ चौथो सन्तान हुनुहुन्छ ।

देशकै बिकट जिल्ला बाजुराको अति बिपन्न परिवारमा जन्मिएकी जैसीलाई उनका बुवाले ज्याला गरेर पढाउनुभयो । जैसीको विद्यालयको शुल्क तिर्न उहाँका बुवा महानन्द जैसीले उनी अध्ययनरत विद्यालयको भवन निर्माणमा ज्यालादारीमा काम गर्नुभएको थियो ।

भेटरीनरी चौथो तहमा कोशी प्रदेश सिफारिस भएकी छायाले लोकसेवा आयोगको पहिलो परीक्षा कणर्ाली प्रदेशबाट सफलता प्राप्त गर्नुभयो । गएको बैशाख ११ गते कणर्ाली प्रदेशमा लिखितमा नाम निकालेपनि मौखिकपछि नाम वैकल्पिकमा मात्रै निस्कीयो । लगत्तै कोशी प्रदेशमा मंसिर ३० गते रिजल्ट आएर सिफारिस हुनुभएको हो ।

त्यसपछि पनि पौष २५ गत लुम्बीली प्रदेशमा भेटेनरी चौथो तह, पौष ९ गते संघिय लोकसेवा आयोग पाँचौ तह, पौष ३ गते बाग्मती पाँचौ तह र असोज १४ गते सुदूरपश्मिच प्रदेश चौथो तहमा लिखितमा नाम निकाल्नुभएको छ ।

चार परीक्षाको मौखिक परीक्षाफल प्रकाशित हुन बाँकी छ । छाया भने सबै परीक्षामा सफलता मिल्नेमा ढुक्क हुनुहुन्छ ।

प्रकाशित मिति : २०८० माघ ५ गते शुक्रवार
प्रतिक्रिया दिनुहोस