दाङ, १६ चैत । दाङमा एक व्यक्ति मृत अवस्थामा फेला परेका छन् । सल्यानको कपुरकोट गाउँपालिका वडा नम्बर ६ सिनवाङका ५१ वर्षिय रेशम बहादुर महतारा बिहिबार बिहान दंगिशरण गाउँपालिका वडा नम्बर ३ हेकुलीमा मृत अवस्थामा फेला परेका हुन् ।
डिल बहादुर रावतको घरमा महतारा एक्लै डेरा गरी बस्दै आएका थिए । बुधबार बेलुका ७ बजेतिर खाना खाएर सुतेका महतारा आज बिहानसम्म नउठेपछि कोठामा हेर्न जाँदा अचेत अवस्थामा फेला परेका हुन् ।
उनलाई राप्ती प्रादेशिक अस्पतालमा डाक्टरले मृत घोषणा गरेको इलाका प्रहरी कार्यालय तुलसीपुरका प्रवक्ता पर्वत केसीले जानकारी दिनुभयो ।
प्रकाशित मिति : २०७९ चैत्र १६ गते बिहिवार
