२०८० फाल्गुन २१ गते सोमवार

कपिलवस्तुमा छोराबुहारी मिलेर वृद्धको हत्या

 

कपिलवस्तु, ११ फागुन । कपिलवस्तुमा छोराबुहारी मिलेर वृद्धको हत्या गरेको खुलेको छ ।

बिहीबार प्रहरीले शिवराज नगरपालिका-१० शितलापुरका ६४ वर्षका मगरे पासीको हत्या आरोपमा उनकै छोरा माङ्तीराम पासी र बुहारी मिमा पासीलाई पक्राउ गरेको हो ।

मगरे पासीको शव बुधबार उनी सुत्ने कोठामा झुण्डिएको अवस्थामा फेला परेको थियो । खबर पाएपछि पुगेको वडा प्रहरी कार्यालय चन्द्रौटाको टोलीले शव शंकास्पद देखिएपछि अनुसन्धान सुरु गरेको थियो ।

बाँया आँखामा निलडाम, नाकबाट रगत बगेको, कानमा चोट लागेको देखिएपछि अनुसन्धान गर्दा छोरा बुहारी मिलेर हत्या गरेको खुलेको जिल्ला प्रहरी कार्यालय कपिलवस्तुका प्रवक्ता डीएसपी मीनबहादुर घलेले जानकारी दिनुभयो ।

प्रकाशित मिति : २०७९ फाल्गुन ११ गते बिहिवार
प्रतिक्रिया दिनुहोस