दाङ, १५ भदौ ।
दाङमा मंगलवार राति चट्याङ लागेर निधन भएका दुई जना र घाइते सबैको पहिचान खुलेको छ ।
तीजकै दिन राती नाचगान गरिरहेको समयमा चट्याङ लागेर दुई युवतिको मृत्यु भएको छ भने ९ जना घाइते भएका छन् । घोराही उपमहानगरपालिका १२ गुरौं गाउँमा मंगलबार बेलुकी तीजको दिन राती चट्याङ लागेर दुई जनाको मृत्यु भएको हो ।
तीजको बेला महिलाहरू घोराही उपमहानगरपालिका १२ गुरौँ गाउँका स्थानिय कुलविर बुढाको घरमा भेला भएर नाचगान गर्ने बेला चट्याङ परेको डीएसपी गौतमले बताउनुभयो । चट्याङबाट सोहि ठाउँका १६ वर्षिय दिपा घर्ती र १९ वर्षिय मनिषा शाहको घटनास्थमै मृत्यु भएको हो ।
त्यस्तै चार जना मध्यम घाइते भएका छन् भने अन्य ५ जना सामान्य घाइते भएको डीएसपी राजनकुमार गौतमले जानकारी दिनुभयो । मध्यम घाइते हुनेमा सोहि ठाँउका १५ वर्षिय निरुता शाह, जयन्ति घर्ति, १६ वर्षिय यामुसरी थापा,३८ वर्षिय यम कुमारी मध्यम घाइते भएको जिल्ला प्रहरी कार्यालय दाङका प्रवक्ता डिएसपी राजनकुमार गौतमले बताउनुभयो ।
त्यस्तै सामान्य घाइतेहुनेमा घोराही उपमहानगरपालिका १२ गुरौँ गाउँका ४ वर्षीय जेनिशा शाह, १४ वर्षीय अन्जना घर्ती,१५ वर्षीय साबित्रा वली,३८ वर्षीय बेलकुमारी घर्ती र ४२ वर्षीय मनकुमारी वली रेहेको डिएसपी गौतमले बताउनुभयो ।
गुरौं गाँउ हापुर बाट पैदल हिडेर जान ४ घण्टा समय लाग्ने गर्दछ । घाईते सबै लाई उपचारको लागी डोकोमा बोकेर ल्याइएको डीएसपी गौतमले बताउनुभयो ।
