आज २०८२ साल साउन १६ गते शुक्रबार। साउन शुक्ल पक्षको अष्टमी तिथि। राष्ट्रिय कोदो दिवस। विश्व स्तनपान सप्ताह प्रारम्भ। तदनुसार सन् २०२५ अगष्ट १ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।
माधवा शर्मा
ज्योतिषाचार्य तथा वास्तु विद्
9848060799
मेष -आज तपाईंमा नयाँ ऊर्जा जाग्नेछ। कार्यक्षेत्रमा सफलता र सम्मान मिल्नेछ। सामाजिक सम्बन्धहरू बलियो बन्नेछन्। तर बोल्नुअघि विचार गर्नुहोस्, अहंकार र आवेगमा नियन्त्रण आवश्यक छ।
वृष –घर परिवारमा शान्ति र आत्मीयता रहनेछ। आर्थिक मामिलामा सुधार आउनेछ। नजिकका मानिससँग सहकार्य गर्न सकिनेछ। सानातिना विवादमा धैर्यतापूर्वक व्यवहार गर्नुहोस्।
मिथुन -बौद्धिक तथा सञ्चार क्षेत्रमा राम्रो दिन छ। नयाँ विचारहरू सफल हुनेछन्। छोटो यात्रा वा भेटघाटको अवसर आउँछ। मनोबल उच्च हुनेछ।
कर्कट -धनप्राप्ति हुने योग छ। परिश्रमको राम्रो फल पाइनेछ। परिवारको सहयोगले मन प्रसन्न हुनेछ। स्वास्थ्यमा विशेष ध्यान दिनुहोस्।
सिंह -चन्द्रमा आफ्नै राशिमा हुँदा आत्मविश्वास र नेतृत्व क्षमता उच्च हुनेछ। नयाँ काम आरम्भ गर्न अनुकूल समय छ। प्रेम र सामाजिक जीवनमा मिठास बढ्नेछ।
कन्या -आज अलिकति मानसिक तनाव वा चिन्ता देखिन सक्छ। पुराना विषयहरू मनमा आउन सक्छन्। एकान्तमा ध्यान लगाउनु लाभदायक हुनेछ। आलोचनाप्रति संयम आवश्यक छ।
तुला-मित्र र सहकर्मीहरूसँग मेलमिलाप राम्रो हुनेछ। सामाजिक कार्यमा सहभागिता बढ्नेछ। नयाँ योजना बन्ने सम्भावना छ। व्यवहारमा नम्रता आवश्यक छ।
वृश्चिक-कार्य क्षेत्रमा प्रतिष्ठा र सफलता मिल्नेछ। जिम्मेवारी बढ्नेछ। बोलीमा सावधानी अपनाउनु आवश्यक छ, अन्यथा सम्बन्ध बिग्रन सक्छ।
धनु -भाग्यप्रद दिन छ। धार्मिक वा अध्यात्मिक कार्यमा मन रम्नेछ। नयाँ ज्ञान हासिल गर्ने अवसर आउँछ। विदेशबाट शुभ समाचार पाउन सकिन्छ।
मकर -आज धैर्य र संयमको आवश्यकता छ। आर्थिक मामिलामा होशियारी अपनाउनु पर्छ। मन अलमलिने संकेत छ, निर्णय सोचविचार गरेर लिनुहोस्।
कुम्भ –सम्बन्ध र साझेदारीमा सकारात्मकता आउनेछ। प्रेम जीवनमा मिठास बढ्नेछ। व्यापार वा सामाजिक जीवनमा लाभ हुनेछ।
मीन -स्वास्थ्यमा ध्यान दिनुहोला। काममा स्थिरता र संयम आवश्यक छ। आलोचना प्रति संवेदनशील नहुनुहोस्। मेहनतको फल पाउन सकिन्छ
