कपुरकोट (सल्यान), १ जेठ । राप्ती राजमार्ग अन्तर्गत सल्यानको कपुरकोट बजार क्षेत्रमा दुईवटा विद्युतीय (ईभी) गाडी एकआपसमा ठोक्किँदा ७ जना यात्रु सामान्य घाइते भएका छन् ।
बागमती प्रदेश ०१०३२च ८३३२ नम्बर र लुम्बिनी प्रदेश ०२००ज ०१६५ नम्बरकाे दुई ईभी गाडी कपुरकोट बजार नजिकै एकआपसमा ठोक्किएर दुर्घटना भएको हो ।
दुर्घटनामा परी गाडीमा सवार करिब ७ जना यात्रु घाइते भएको प्रहरीले जनाएको छ ।
घाइते सबैको अवस्था सामान्य रहेको र उनीहरूलाई तत्काल उद्धार गरी उपचारका लागि स्थानीय स्वास्थ्य संस्थामा पठाइएको छ ।
तीव्र गति वा साँघुरो सडकका कारण दुर्घटना भएको हुन सक्ने अनुमान गरिएको छ । दुर्घटनालगत्तै कपुरकोट क्षेत्रमा केही बेर सवारी आवागमन प्रभावित भए पनि अहिले अवस्था सामान्य बनिसकेको छ । घटनाबारे थप विवरण आउन बाँकी छ ।
प्रकाशित मिति : २०८३ जेष्ठ १ गते शुक्रवार
