आज २०८२ साल साउन २३ गते शुक्रबार। साउन शुक्ल पक्षको चतुर्दशी तिथि। तदनुसार सन् २०२५ अगष्ट ८ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।
माधवा शर्मा
ज्योतिषाचार्य तथा वास्तु विद्
9848060799
मेष-पारिवारिक जिम्मेवारी बढ्नेछ। यात्रा वा भेटघाटमा थकान अनुभव हुन सक्छ। तर कामप्रतिको लगनशिलता कायम राख्नुभयो भने आजको चाप भविष्यमा सफलताको ढोका खोल्नेछ। आर्थिक क्षेत्र स्थिर रहनेछ।
वृष-धार्मिक र आध्यात्मिक रुचि बढ्नेछ। गुरु वा श्रेष्ठजनबाट प्रेरणा मिल्ने समय हो। नयाँ योजना बनाउने वा दीर्घकालीन लगानीको सोच उपयुक्त हुनेछ। प्रेम र सम्बन्धमा सकारात्मक ऊर्जा देखिन्छ।
मिथुन-धनको आगमनसँगै व्यय पनि बढ्न सक्छ। ऋण–धनको विषयमा सावधानी अपनाउनु राम्रो हुन्छ। भावनामा बग्नुभन्दा निर्णयमा यथार्थ अपनाउनु आवश्यक छ। आज ठूलो योजना भन्दा सानो काममा ध्यान दिनु हितकर।
कर्कट-दाम्पत्य जीवन र साझेदारीमा भावनात्मक उतारचढाव आउन सक्छ। तर धैर्य राख्दा सम्बन्ध अझ प्रगाढ बन्नेछ। परामर्श वा सहयोगको अपेक्षा गरिएको काममा सफलता मिल्ने संकेत देखिन्छ।
सिंह-स्वास्थ्य र दिनचर्यामा विशेष ध्यान पुर्याउनु पर्ने दिन हो। कार्यक्षेत्रमा असमझदारी वा ढिलाइ हुन सक्छ। सानो गल्तीले असर पार्न सक्छ, ध्यान राख्नुहोला। तपस्यामार्फत मानसिक सन्तुलन कायम राख्न सकिनेछ।
कन्या-सन्तानसँग सम्बन्धित चिन्ता कम हुँदै जानेछ। प्रेम, साहित्य, वा सिर्जनात्मक कार्यमा मन जानेछ। तपाईको सिर्जनात्मक पक्षले सम्मान पाउने समय छ। शुभ समाचार प्राप्त हुने सम्भावना पनि बलियो छ।
तुला-घरपरिवारमा सकारात्मक परिवर्तन देखिन्छ। नयाँ सम्पर्क वा पारिवारिक बन्धन बलियो बन्नेछ। स्थायी निर्णयहरू लिन चाहनुहुन्छ भने मध्यान्हपछि उपयुक्त समय रहन सक्छ। घर–परिवारप्रतिको कर्तव्यमा सफल रहनुहुनेछ।
वृश्चिक-संवादमा मिठास बढाउनु पर्ने आवश्यकता छ। छरछिमेक वा नातेदारसँगको सम्बन्धमा सुधार आउन सक्छ। छोटो यात्रामा लाभ मिल्नेछ। लेखन, वाणी, वा सल्लाहमार्फत लाभ हुने योग छ।
धनु-धन–सम्बन्धी काममा लाभ देखिन्छ। प्रयास अनुसार प्रतिफल पाइनेछ। परिश्रमको उचित मूल्यांकन हुनेछ। आर्थिक पक्षमा आत्मविश्वास बढ्नेछ, तर अनावश्यक खर्चमा संयम आवश्यक छ।
मकर-तपाईंको आत्मविश्वास, वाणी, र उपस्थिति प्रभावशाली रहनेछ। नयाँ कामको थालनी, निर्णय, वा प्रस्तुतिका लागि राम्रो समय छ। यद्यपि मानसिक अशान्ति हटाउन ध्यान उपयोगी हुनेछ।
कुम्भ-गोपनियता आवश्यक पर्ने विषयमा सजग रहनुहोस्। मनमा द्विविधा रहन सक्छ। पुराना विषय सताउने वा समीक्षा हुने सम्भावना छ। ध्यान, अध्ययन वा एकान्त समयले मानसिक सन्तुलन दिन सक्छ।
मीन-साथीभाइ र समुहगत क्रियाकलापमा लाभ हुनेछ। सामाजिक सञ्जाल वा समूहसँगको सम्बन्ध सुदृढ बन्नेछ। शुभ समाचार पाउने वा पुरानो मित्रसँग पुनः भेटघाटको योग छ। भावनात्मक सन्तुलनले सफलता दिलाउनेछ।
