सल्यान, ४ मंसिर । घाँस काटने क्रममा रुखबाट लडेर सल्यानमा एक महिलाको मृत्यु भएको छ । जिल्लाको बाग्चौर नगरपालिका-९ धनबोट निवासी अन्दाजी ४४ वर्षीया कमला चन्दको मृत्यु भएको हो ।
रुखबाट लडेर गम्भीर घाइते भएका चन्दको उपचारका लागि बाग्चौर लैजाँदै गर्दा बाटैमा मृत्यु भएको वडाध्यक्ष यज्ञबहादुर डाँगीले जानकारी दिनुभयो ।
वडा अध्यक्ष डाँगीका अनुसार चन्द रुखबाट लडेरे झन्डै दुई सय मिटर तल पुग्नु भएको थियो । उहाँको टाउकोमा गहिरो चोट लागेको थियो ।
प्रकाशित मिति : २०८१ मङ्सिर ४ गते मङ्गलवार
