दाङ, २८ कार्तिक । दाङमा बसको ठक्करबाट मोटरसाइकल चालक घाइते भएका छन् । घाइते हुनेमा रूकुम पश्चिमको चौरजहारी नगरपालिका– १० का २५ वर्षका प्रदिप खत्री रहेको जिल्ला प्रहरी कार्यालय दाङले जनाएको छ ।
आज बुधबार बिहान करिब १० बजेतिर काठमाडौँ देखि सुर्खेत जाँदै गरेको कर्णाली प्रदेश ०२००१ ख ०८२३ नम्बरको बसले सिसहनियाँ बजारमा बाटो क्रस गरिरहेको ग २३ प ६७९१ नम्बरको मोटरसाइकललाई ठक्कर दिदा मोटरसाइकल चालक खत्री घाइते हुनुभएको हो ।
खत्रीको कुहिना र नाकमा चोट लागेको जिल्ला प्रहरी कार्यालय दाङले जनाएको छ । घाइते खत्रीको अहिले सिसहनियाँ स्वास्थ्य चौकीमा उपचार भइरहेको छ । ठक्कर दिने बस र चालकलाई नियन्त्रणमा लिएको प्रहरीले जनाएको छ ।
प्रकाशित मिति : २०८१ कार्तिक २८ गते बुधवार
