दाङ, १६ कार्तिक । दाङको तुलसीपुरमा मोटरसाइकल दुर्घटनामा परी घाइते भएका एकजनाको मृत्यु भएको छ । मृत्यु हुनेमा तुलसीपुर-३ राम्रीका ५० वर्षीय दोणर् थापा रहेको इलाका प्रहरी कार्यालय तुलसीपुरले जानकारी दिएको छ ।
यही कात्तिक १० गते राती १२ बजेको समयमा तुलसीपुरबाट राम्री तर्फ जादै गरेको रा ३ प ७१८५ नम्बरको मोटरसाइकल तुलसीपुर-४ रक्षाचौर नजिकै आफै अनियन्त्रित भएर पल्टिदा दुर्घटना भएको थियो ।
दुर्घटनामा परी गम्भिर घाइते भएका थापालाई राप्ती प्रादेशिक अस्पताल तुलसीपुरमा सामान्य उपचार पछी थप उपचारका लागी नेपालगञ्ज नर्सीङ होममा रिफर गरिएको थियो ।
उहाँको उपचारकै क्रममा मृत्यु भएको प्रहरीले जनाएको छ । दुर्घटनामा मोटरसाइकल चालक तुलसीपुर-३ राम्री कै २० बर्षीय शुसान्त मगर पनि सामान्य घाइते भएकोमा उपचार पछी प्रहरीले उनलाई नियन्त्रणमा लिएको छ ।
प्रकाशित मिति : २०८१ कार्तिक १६ गते शुक्रवार
