तुलसीपुर, ५ कार्तिक । तुलसीपुरको ग्वारखोलाबाट प्रहरीले १२ वटा ट्याक्टरलाई नियन्त्रणमा दिएको छ ।
तुलसीपुर उपमहानगरपालिकाको वडा नम्बर १२ र १६ मा पर्ने पुकार पसलदेखि दक्षिणतर्फ ग्वारखोलामा बिना सूचना गिट्टी बालुवा निकासी गरिरहेको अवस्थामा ट्याक्टरलाई प्रहरीले नियन्त्रणमा लिएको हो ।
मापदण्ड बिपरित खोलाबाट गिट्टी बालुवा निकालीरहेको अबस्थामा १२ वटा ट्याक्टरलाई नियन्त्रणमा लिएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिनुभयो ।
तुलसीपुर उपमहानगरपालिकाले ठेक्का लगाएको ठाँउमा आबश्यक प्रक्रिया पुरा नगरी गिट्टी बालुवा निकालेकाले ट्याक्टरलाई नियन्त्रणमा लिएको प्रहरी निरीक्षक थापाले बताउनुभयो ।
ट्याक्टरलाई ईलाका प्रहरी कार्यालय तुलसीपुरमा राखिएको छ । घटना बारे थप अनुसन्धान भइरहेको प्रहरीले जनाएको छ ।
प्रकाशित मिति : २०८१ कार्तिक ५ गते सोमवार
