दाङ, १६ भदौ । चितवनको मुग्लिन-नारायणगढ सडकखण्डको सिमलतालमा बस र ट्रक ठोक्किएका छन् ।
आज बिहान चितवनको सिमलताल नजिकै नारायणगढतर्फबाट आउँदै गरेको एआर ०१ ३६७४ नम्बरको भारतीय यात्रुवाहक बस र मुग्लिनबाट जाँदै गरेको ग२ख ११०८ नम्बरको ट्रक ठोक्किएका हुन् ।
दुर्घटनाबाट भारतीय बसमा सवार ३ जना यात्रु सामान्य घाइते भएको इलाका प्रहरी कार्यालय मुग्लिनकी प्रमुख निरला भण्डारीले जानकारी दिनुभयो ।
उहाँका अनुसार ट्रक चालक सामान्य चोटपटक लागेको छ । घाइतेहरूलाई नजिकैको स्वास्थ्य संस्थामा उपचारका लागि लगिएको छ ।
प्रकाशित मिति : २०८१ भाद्र १६ गते आइतवार
