सुर्खेत, ४ भदौ ।
हुम्लाको सर्केगाड गाउँपालिका उपाध्यक्ष चन्द्रसिंह कार्कीको गाडी दुर्घटनामा निधन भएको छ । दुर्घटनामा गम्भिर घाइते भएका कार्कीको नेपालगञ्जमा उपचारको क्रममा आज बिहान करिब २ बजेतिर निधन भएको हो ।
सोमबार सुर्खेतबाट बाँकेको नेपालगञ्ज जाँदै गर्दा कार्की सवार कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका वडा नम्बर–५ मा दुर्घटना भएको थियो ।
उहाँ नेकपा माओवादी केन्द्रको तर्फबाट हुम्लाको सर्केगाड गाउँपालिकाको उपाध्यक्ष निर्वाचित हुनुभएको हो । पार्टीमा मुक्ति उपनामले चिनिने उहाँ कर्णाली प्रदेशसभा सदस्य जुम्कीत लामाका श्रीमान पनि हुनुहुन्छ ।
प्रकाशित मिति : २०८१ भाद्र ४ गते मङ्गलवार
