दाङ, २३ असार । लायन्स क्लब अफ दाङ र लियो क्लव अफ दाङको पद हस्तान्तरण तथा सपथ ग्रहण कार्यक्रम तुलसीपुरमा सम्पन्न भएको छ ।
शनिबार नव निर्वाचित लायन्स र लियो पदाधिकारीहरूलाई पद हस्तान्तरण तथा सपथ कार्यक्रम गरिएको हो ।
लायन्स क्लबका वर्ष २०२३/२०२४ का अध्यक्ष भागवत भट्टराई वर्ष २०२४ र २०२५ का अध्यक्ष गोरख ओली र लियोका सत्य नारायण चौधरीको संयुक्त अध्यक्षता तथा डिस्ट्रिक ३२५ एनका गभर्नर पिएमजेएफ लायन बिनोद कुमार श्रेष्ठको प्रमुख आतिथ्यतामा कार्यक्रम भएको हो ।
कार्यक्रममा श्रेष्ठले वर्ष २०२४ र २०२५ मा डिस्ट्रिक ३२५ एन गभर्नरले गर्ने कार्यक्रमको बारेमा जानकारी दिनुभयो । ३२५ एन अन्तरर्गत कणर्ाली प्रदेश, सुदुरपश्चिम र लुम्बिनीका केही जिल्ला कार्य क्षेत्र भित्र पर्ने बताउनुभयो ।
यस्तै विश्वभर १५ लाख लायन बनाउने उद्देश्य रहेकोमा नेपालमा मात्र करिब ४० हजार लायन्स भएको डिष्ट्रिक ३२५ यानका क्याबिनेट सेक्रेटरी टीकाजंग बीकेले जानकारी दिनुभयो ।
कार्यक्रममा लायन्सका पूर्व अध्यक्ष ललितजंग शाह, तुलसीपुर नगर जेसिजका अध्यक्ष पूणर् विक्रम डाँगी, लियोका संस्थापक अध्यक्ष ध्रुवराज न्यौपाने , डीलाइट ग्रुपका सिइयो मोहन भण्डारी लगायतकाले समाजमा शिक्षा , स्वास्थ्य, वातावरण र अन्य प्राकृतिक प्रकोपमा उत्कृष्ट कार्य गर्दै अगाडि बढेको बताउनुभयो ।
लायन्सका पूर्व अध्यक्ष भोजराज न्यौपानेको स्वागत मन्तव्यबाट शुरु भएको भएको कार्यक्रमको सहजिकरण सचिव कोमल डिसीले गर्नुभएको हो ।
यसैबीच मानव जीवन र बाताबरण संरक्षणको हित र पत्रकारिताको उच्च मूल्याङ्कन गरी प्रभात भण्डारी र टेकराज भण्डारीलाई सम्मान गरिएको छ ।
