उदयपुर, १ चैत । उदयपुरमा जिप दुर्घटना हुँदा सात जनाको मृत्यु भएको छ । धरानबाट भोजपुर जाँदै गरेको को १ ज २५९३ नम्बरको जिप उदयपुर र भोजपुरको सिमाना बेलका नगरपालिका-७ मैनामैनी नजिकै दुर्घटना भएको हो ।
दुर्घटनास्थलमा रहेका इलाका प्रहरी चौकी हसनपुर, भोजपुरका असई खड्गबहादुर श्रेष्ठले दुर्घटनामा घाइते भएका ७ जनालाई उद्धार गरी उपचारका लागि अस्पताल पठाइएको जानकारी दिनुभयो ।
अहिले ७ जनाको शव निकाल्ने प्रयास भइरहेको असई श्रेष्ठले बताउनुभयो । जिप सडकबाट करिब २ सय मिटर तल खसेको पनि प्रहरीको भनाइ छ ।
प्रकाशित मिति : २०८० चैत्र १ गते बिहिवार
