सल्यान, ७ फागुन । सल्यानको कपुरकोट गाउँपालिकामा चौथो राष्ट्रपति रनिङ शिल्ड प्रतियोगिता शुरु भएको छ । खेल क्षेत्रको बिकास र खेलाडीको प्रोत्साहन गर्नको लागि भन्दै आइतबार देखि बिरेन्द्र माध्यमिक विद्यालय कपुरकोट-२ गर्पामा प्रतियोगिता शुरु भएको हो । तीन दिन सम्म चल्ने प्रतियोगितामा विभिन्न बिधाहरुमा प्रतिस्पर्धा भैरहेको छ ।
प्रतियोगिताको उद्घाटन गर्दै गाउँपालिका अध्यक्ष दुर्गा बहादुर पुनले खेल क्षेत्रको लगानी जिवन्त रहने बताउनुभएको छ । खेल क्षेत्रमा अहिले गरेको लगानी र बनाइएका संरचना केहि समयका लागी मात्रै नभएर जिवन्त रहने भएकाले खेलाडीलाई प्रोत्साहन मिलेको उहाँले बताउनुभएको हो ।
यस्तै गाउँपालिका उपाध्यक्ष प्रकाश भण्डारीले खेलाडी राष्ट्रको गहना भएको बताउनुभएको छ । खेल ब्यक्तिको पहिचानसंग जोडिएकाले यसमा गाउँपालिकाले लगानी गर्दै आएको र आगामी दिनमा पनि लगानी गर्ने उहाँको भनाइ छ ।
यस्तै गाउँपालिकाका प्रमुख प्रशासकीय अधिकृत भरत कुमार ओलीले खेलले विद्यार्थीलाइ फ़ुर्तिलो बनाउने मात्रै नभएर आफ्नो प्रतिभालाई उजागर गर्न सहयोग गर्ने बताउनुभयो ।
यस्तै नेकपा एकीकृत समाजवादीका केन्द्रिय सदस्य भद्रसिंह बुढाले खेलाडीको प्रोत्साहनको लागि खेलाडीलाई सम्मान गर्नुपर्ने बताउनुभएको छ । गाउँपालिका भित्रका खेलाडीले जिल्ला हुदै राष्ट्रसम्म खेल खेलेकाले ति खेलाडीलाई प्रोत्साहन गर्नुपर्ने भन्दै उहाँले यो दायित्व बाट पालिका पछि हट्न नहुने बताउनुभयो ।
यस्तै गाउँपालिका पुर्बउपाध्यक्ष तिला बुढा मगरले खेलमा प्रतिस्पर्धा स्वभाविक भएकाले हार जित हुँदैमा अन्यथा लिन नहुने बताउनुभएको छ । खेलाडी सबैको साझा हुने भएकाले खेल क्षेत्रको बिकास र खेलाडीको वृद्धि, बिकासका लागि कुनैपनि निकाय बाधक बन्न नहुने उहाँको भनाइ छ ।
यस्तै जिल्ला खेलकुद बिकास समिति सल्यानका अध्यक्ष खड्ग आचार्यले खेल क्षेत्रको बिकासका लागि पालिकाले लगानी बढाउनुपर्ने बताउनुभएको छ । उहाँले खेल विद्यार्थीको गहना भएकाले यसको बिकासका लागि पुर्वाधार संगै खेल क्षेत्रमा पनि लगानी बढाउनुपर्ने बताउनुभएको हो ।
खेलकुद बिकास समिति कपुरकोटका अध्यक्ष शेर बहादुर पुनको अध्यक्षतामा भएको कार्यक्रममा पालिका भित्रका माबि र आधारभूत तहका गरेर झण्डै एक दर्जन विद्यालय सहभागी भएका छन् ।
