आज २०८१ साल असोज २७ गते आइतबार तदनुसार सन् २०२४ अक्टोबर १३ तारिख। असोज शुक्ल पक्षको एकादशी तिथि। पापांकुशा एकादशी व्रत। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ईकापी न्यूजका लागि ज्याैतिषाचार्य तथा वास्तु विद् माधवा शर्माले तयार पार्नुभएको आजको फलादेशः
मेष राशि: महत्वपूर्ण कार्य सम्पन्न हुनेछ। धर्मकर्ममा मन जानेछ। सामाजिक कार्यमा प्रेरित भइनेछ। मन प्रफुल्ल रहला। आर्थिक उन्नति हुनेछ। तपाईंको आज प्रशंसा बढ्नेछ।
वृष राशि: आजको दिन मध्यम फलदायी रहनेछ। कार्य गर्दा विशेष ध्यान दिँदा उपयुक्त हुनेछ। व्यवसाय राम्रो रहनेछ। वित्तीय संस्थाबाट लाभ मिल्नेछ।
मिथुन राशि: अधुरा कार्य पुनः सुचारु होलान्। वैदेशिक क्षेत्रमा मार्ग प्रशस्त हुनेछ। आर्थिक उन्नति हुनेछ। यात्रामा भने ख्याल गर्नु होला, मालसामान हराउन सक्छ। चोटपटकको भए रहला।
कर्कट राशि: धार्मिक एवं सामाजिक कार्यमा रुचि बढ्नेछ। अध्ययन अनुसन्धानमा मन जानेछ। विश्लेषण क्षमता उच्च रहनेछ। स्वास्थ्यमा भने अलिक ध्यान दिनु पर्ला। विपरीत लिंगीप्रति आकर्षण बढ्नेछ।
सिंह राशि: दिन रमाइलोसँग बित्नेछ। प्रेमी-प्रेमिका बीच सुमधुर सम्बन्ध कायम हुनेछ। पारिवारिक सद्भाव बढ्नेछ। व्यवसायिक सफलता मिल्नेछ। पुराना समस्या सुल्झनेछन्।
कन्या राशि: आध्यात्मिक ऊर्जा बढ्नेछ। कार्यमा सोचेअनुरूप सफलता प्राप्त नहुन सक्छ। घरमा अतिथिलाई स्वागत गर्ने अवसर प्राप्त हुनेछ। तपाईंको बोलीको प्रशंसा हुनेछ।
तुला राशि: यात्रामा सामान चोरी हुन सक्छ। अनावश्यक ठाउँमा धन खर्च हुनेछ। सामाजिक कार्यमा मन जानेछ। धार्मिक कृत्यमा सरिक भइनेछ।
वृश्चिक राशि: साहसिक निर्णयले कार्यक्षेत्रमा प्रगति दिलाउनेछ। दोहोरो लाभ प्राप्त गर्न सकिनेछ। प्रेम सम्बन्ध कसिलो हुनेछ। नयाँ कार्यको योजना बन्नेछन्।
धनु राशि: धर्मकर्ममा मन जानेछ। सामाजिक कार्यमा रुचि बढ्नेछ। चिताएका कार्यले तीव्रता प्राप्त गर्नेछन्। आफन्तसँगको भेटघाटले मन प्रसन्न रहनेछ।
मकर राशि: ठूलो लगानी गर्दा संयम हुनुहोस्। कार्यक्षेत्रमा नयाँ जिम्मेवारी सम्हाल्नु पर्ला। धार्मिक कर्ममा मन जानेछ। बौद्धिक कार्यमा सफलता मिल्नेछ। स्वास्थ्यमा भने ख्याल राख्नु पर्ला।
कुम्भ राशि: आफ्नै क्षमताले गरेको कार्य सफल हुनेछ। यात्रामा सहभागि भइनेछ। स्वादिष्ट भोजन प्राप्त हुनेछ। कार्य सम्पादनमा भने समस्या आउनेछ।
मीन राशि: मिष्ठान्न भोजन प्राप्त हुनेछ। बाणीद्वारा कार्य सम्पादनमा सहजता छाउनेछ। तपाईंको परिश्रमको कदर हुनेछ। पारिवारिक सद्भावमा मिठास आउनेछ। मित्र सहयोग प्राप्त हुनेछ।
ज्योतिषी तथा वास्तु विद्
माधवा शर्मा
सचिव – नेपाल ज्योतिष परिषद् लुम्विनी प्रदेश
मनकामना ज्योतिष तथा वास्तु परामर्श केन्द्र तुलसीपूर क लाईन दाङ
फोन नं. ९८४८०६०७९९
