आज २०८१ साल चैत ३१ गते आइतबार वैशाख कृष्ण पक्षको प्रतिपदा तिथि। २०८१ सालको अन्तिम दिन। तदनुसार सन् २०२५ अप्रिल १३ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। आजको फलादेशः
मेष -आजको दिन कार्यक्षेत्रमा दृढ आत्मविश्वासका साथ अघि बढ्ने अवसर मिल्नेछ। प्रयासअनुसार परिणाम प्राप्त हुने देखिन्छ। तर, व्यर्थको विवाद वा क्रोधबाट टाढा रहनु उत्तम हुन्छ।
वृष -धनलाभका सम्भावना बढेका छन्। नयाँ योजना र लगानीका विषयमा सोचविचार गर्ने समय अनुकूल छ। पारिवारिक वातावारण सुखद रहन सक्छ।
मिथुन -आज विचारमा स्थिरता ल्याउनु आवश्यक छ। नसोचेको कुराले मन अल्झिन सक्छ, तर संयमता राखेमा निर्णयहरूमा सफल हुनुहुनेछ। बोल्दा मीठो भाषाको प्रयोग गर्नु राम्रो हुन्छ।
कर्कट -पारिवारिक सम्बन्धमा आत्मीयता बढ्नेछ। मित्रजन वा आफन्तसँगको भेटघाटले मन रमाइलो बन्नेछ। कुनै पुरानो चिन्ता हट्ने संकेत पनि देखिन्छ।
सिंह -आत्मबल उच्च रहनेछ र अरुलाई प्रभावित पार्ने शक्ति बढ्नेछ। नेतृत्वदायी भूमिका निभाउन पाइने सम्भावना छ। तर, घमण्ड वा हठ त्याग्नु हितकर हुनेछ।
कन्या -नयाँ योजना बन्न सक्छ, तर निर्णयमा धैर्य आवश्यक छ। चिन्तन र मनन गरेर अगाडि बढेमा सफलता मिल्नेछ। स्वास्थ्यमा सामान्य कमजोरीको अनुभव हुनसक्छ।
तुला -सन्तुलन र सौम्यता बृद्दि हुनेछ ।आज त्यही गुणले समस्याको समाधान दिलाउनेछ। मित्र वा सहकर्मीको सहयोग प्राप्त हुने समय हो।
वृश्चिक -आज भावनाको प्रभाव रहनेछ। मनका कुरा कसैसँग साझा गर्न मन लाग्न सक्छ। प्रेमसम्बन्ध वा गहिरो मित्रता प्रगाढ बन्ने संकेत देखिन्छ।
धनु -सकारात्मक सोच र उन्नत लक्ष्यप्रतिको लगावले नयाँ बाटो देखाउनेछ। यात्राको सम्भावना छ भने लाभदायक रहन सक्छ।
मकर -कर्तव्यबोध र जिम्मेवारीको अनुभूति बढ्नेछ। समय व्यवस्थापनमा ध्यान दिँदा लक्ष्य नजिक पुग्न सकिन्छ। परिवारमा स्नेह मिल्ने समय हो।
कुम्भ -सृजनशील विचारहरू मनमा आइरहनेछन्। अध्ययन वा अनुसन्धानमा रुचि बढ्न सक्छ। अरुलाई मार्गदर्शन दिन पाउने अवसर पनि मिल्नेछ।
मीन -मन भावुक हुन सक्छ, तर कार्यक्षेत्रमा स्थिरता देखाउन सकिनेछ दान, सेवा वा आध्यात्मिक अभ्यासमा रुचि बढ्ने संकेत छन्।
