दाङ, १३ फागुन । घोराही उपमहानगरपालिका–१४ निमाहलमा रहेको जुत्ता गोदाममा आगलागी भएको छ । हिमाल खड्काको तिन तले घरमा सटर भएको जगत स्टोरमा आगलागी भएको जिल्ला प्रहरी कार्यालय दाङले जनाएको छ ।
आज बिहान करिब साढे ७ बजेतिर आगलागी हुँदा लाखौं रुपैयाँको क्षति भएको जिल्ला प्रहरी कार्यालय दाङका डिएसपी चक्र बहादुर शाहले जानकारी दिनुभयो ।
विद्युत सर्ट भएर आगलागी भएको प्रारम्भिक अनुसन्धानबाट खुलेको छ । आगलागीपछि स्थानीय बासिन्दा, प्रहरी, शस्त्र प्रहरी, जिल्ला प्रहरी कार्यालयको उद्दार टोली तथा घोराही उपमहानगरपालिकाको दमकलको सहयोगमा ७ बजेर ४५ मा आगो नियन्त्रणमा लिइएको डिएसी शाहले जानकारी दिनुभयो ।
आगलागीबाट मानवीय क्षति भने नभएको प्रहरीले जनाएको छ । क्षतिको विवरण आउन बाँकी रहेको घटनाको थप अनुसन्धान भइरहेको डिएसपी शाहले बताउनुभयो ।
प्रकाशित मिति : २०८१ फाल्गुन १३ गते मङ्गलवार
