दाङ, ८ मंसिर । दाङको तुलसीपुरमा जारी चौथो हिरा डाँगी स्मृति कप आमन्त्रित फुटबल प्रतियोगिताको उपाधिका लागि आज टरिगाउँ युथ क्लब तुलसीपुर र बिर्गेड ब्वाइज फुटबल क्लब ललितपुर काठमाडौ भिड्ने भएका छन् ।
शुक्रबार भएको दोस्रो सेमिफाइनलमा युएनबिसी नयाँ बजार घोराहीलाई पेनाल्टीमा ३-१ ले पराजित गर्दै बिर्गेड ब्वाइजले उपाधिका लागि टरिगाउ संग भेट पक्का गरेको हो ।
फाईनल खेल आज दिउँसो १ बजेबाट सुरु हुने प्रतोयोगिताका संयोजक प्रेस गिरिले जानकारी दिनुभयो । दुबै टिममा शसक्त र शानदार खेल प्रदर्शन गर्न सक्ने खेलाडीको वर्चस्व भएकाले फाईनल खेल कडा प्रतिस्पर्धा र रोमाञ्चक हुने अनुमान गरिएको छ ।
प्रतियोगिताको उपाधी चुम्ने टिमले नगद २ लाख २ हजार २ सय नगद पुरस्कार, कप, मेडल, प्रमाणपत्र हात पार्नेछ । त्यस्तै उपविजेताले नगद १ लाख १ हजार १ सय कप,मेडल, प्रमाणपत्र हात पार्नेछ ।
