दाङ, २८ कार्तिक । यूएईलाई हराउँदै नेपाल आईसीसी १९ वर्षमुनिको महिला टी-२० विश्वकप क्रिकेटमा छनोट भएको छ ।
१९ वर्षमुनिको महिला टी-२० विश्वकपको एशिया छनोटको निणर्ायक खेलमा नेपालले यूएईलाई ८ विकेटले हराएको हो ।
यूएईले दिएको ८४ रनको लक्ष्य नेपालले १४ ओभर ४ बलमा २ विकेट गुमाएर भेटाएको हो ।
चार वटा देश सहभागी प्रतियोगितामा नेपाल शीर्ष स्थानमा रहेर पहिलो पटक १९ वर्षमुनिको महिला टी-२० विश्वकपमा छनोट भएको हो ।
नेपालले ६ खेलमा १० अङ्क जोड्यो । यूएईको पनि ६ खेलमा १० अङ्क भए पनि नेट रन रेटका आधारमा दोस्रो भयो । यस्तै थाइल्यान्ड ६ खेलमा ४ अङ्कसहित तेस्रो र कुवेत ६ वटै खेल हारेर पुछारमा रह्यो ।
१९ वर्षमुनिको महिला टी-२० विश्वकप क्रिकेट प्रतियोगिता अर्को वर्ष जनवरीमा मलेसियामा आयोजना हुँदैछ ।
प्रकाशित मिति : २०८१ कार्तिक २८ गते बुधवार
