आज २०८१ साल कात्तिक २८ गते बुधबार तदनुसार सन् २०२४ नोभेम्बर १३ तारिख। कात्तिक शुक्ल पक्षको द्वादशी तिथि। प्रदोष व्रत, रुरु क्षेत्रमा ऋषिकेश उत्सव यात्रा। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ईकापी न्युजका लागि ज्योतिषाचार्य माधवा शर्मालेले तयार पार्नुभएको आजको फलादेशः
मेष राशि – साझेदारीमा काम गर्दा सोच-विचार गरेर अगाडि बढ्नु होला। खर्च बढ्ला। संघर्ष अनुसार सफलता नमिल्दा मन खिन्न होला। व्यवसायमा सोचे अनुसार सफलता मिल्ने छैन। मनमा चिन्ता बढ्नेछ। सामान हराउने, चोरी हुने सम्भावना छ।
वृष राशि – सेवामूलक कार्यमा सफलता मिल्नेछ। सामाजिक तथा धार्मिक कार्यमा मन जानेछ। रचनात्मक कार्यमा सहभागी भइएला। पारिवारिक सद्भाव बढ्नेछ। विद्यार्थीहरूको लागि आज उपयुक्त दिन रहेको छ। अरूको भलो गर्नाले सुख प्राप्त हुनेछ।
मिथुन राशि – नयाँ योजनाहरू बन्नेछन्। नजिकका आफन्तसँग भेटघाटमा समय व्यतित होला। प्रतिस्पर्धाविना नै सफलता मिल्नेछ। दिन प्रेममय रहनेछ। मनमा हर्ष छाउनेछ। चिताएका कार्यले पूर्णता पाउनेछन्। दिन रमाइलोसँग बित्नेछ। सामाजिक कार्यमा रुचि बढ्नेछ।
कर्कट राशि – आफन्तको सहयोगले कार्य सम्पादनमा सहजता हुनेछ। रोकिएका कार्यले गति लिनेछन्। धार्मिक कार्यमा रुचि बढ्नेछ। व्यवसायिक सफलता मिल्नेछ। दिन रमाइलोसँग बित्नेछ। स्वास्थ्यमा भने ख्याल राख्नु होला।
सिंह राशि – बोल्दा विचार गरेर मात्र बोल्नु होला। अपजस सहन गर्नुपर्ने दिन रहेको छ। व्यवसायमा अलिक विचार गरेर लगानी गर्दा उपयुक्त हुनेछ। विरोधीहरू सल्बलाउनेछन्। व्यवसायमा सोचे अनुसार सफलता हुने छैन। धैर्यताले काम गर्दा उचित हुनेछ।
कन्या राशि – आम्दानीका नयाँ नयाँ बाटाहरू खुल्नेछन्। व्यवसायबाट मनग्य आम्दानी होला। दीर्घकालीन योजनाले सार्थकता पाउनेछ। मांगलिक कार्यमा सहभागी हुने दिन रहेको छ। चिताएको कार्यले तीव्रता प्राप्त गर्नेछ। सोचे अनुसार सफलता प्राप्त हुनेछ।
तुला राशि – शैक्षिक कार्यमा प्रगति हुनेछ। आर्थिक पक्ष बलियो हुनेछ। विद्यार्थीहरूको लागि आज विशेष लाभदायक दिन रहेको छ। दिन प्रेममय हुनेछ। नयाँ कार्यका योजनाहरू बन्नेछन्। आर्थिक पक्षमा सुधार आउला। राजनीतिक सफलता मिल्नेछ।
वृश्चिक राशि – आज दिन शुभफलदायक रहेको छ। मित्रको सहयोगले कार्य सम्पादनमा सहजता हुनेछ। आज प्राविधिक क्षेत्रका व्यक्तिलाई बढी फाइदा हुनेछ। व्यवसायमा केही सफलता मिल्नेछ।
धनु राशि – पति-पत्नी वा प्रेमी-प्रेमिका बीच मनमुटाव होला। विवादबाट जोगिनु नै उपयुक्त होला। काम गर्दा अलिक आत्मबल बढाएर गर्नुपर्नेछ। राजनीतिक कार्यमा सोचे अनुसार सफलता मिल्ने छैन। आर्थिक तथा व्यवसायिक पक्षमा सोचे अनुसार सफलता नमिल्ला।
मकर राशि – विद्यार्थीहरूको लागि आज दिन शुभफलदायक रहेको छ। शुभ कार्यको चर्चा चल्नेछ। सामाजिक सेवामा मन जानेछ। आदर्श व्यक्तिसँग सहकार्य हुन सक्नेछ। मान-सम्मान बढ्नेछ। शुभ समाचारले मनमा हर्ष छाउनेछ। रमाइलो यात्रा हुनेछ।
कुम्भ राशि – शुभ समाचार सुन्न पाइएला। मान, प्रतिष्ठा तथा पदवी प्राप्त हुने दिन रहेको छ। तपाईंको क्षमताको कदर हुनेछ। पारिवारिक सद्भाव बढ्नेछ। व्यवसायिक सफलता मिल्नेछ। चिताएका कार्यले तीव्रता प्राप्त गर्नेछन्।
मीन राशि – नयाँ नयाँ ठाउँमा लगानी बढाउने अवसर प्राप्त होला। वाणिको प्रभाव बढ्नेछ। मिष्ठान्न भोजन प्राप्त होला। अधुरा कार्यहरू पुनः सुचारु हुनेछन्। व्यवसायले केही फड्को मार्नेछ। शैक्षिक क्षेत्रमा पनि आज उत्तम फल प्राप्त होला। हिम्मत बढ्नाले हरेक कार्यमा सहजता हुनेछ।
वास्तु टिप्स – गेस्ट रूम (पाहुना कक्ष) कता उपयुक्त हुन्छ? सधैं पाहुना कक्षलाई बायव्य दिशा (पश्चिम-उत्तर) उत्तम मानिन्छ। यो दिशा पाहुनाका लागि शयन कक्ष वा बैठक कोठा बनाउनका लागि उपयुक्त मानिन्छ, जसले पाहुनालाई खुशी बनाउने र छोटो समयमा प्रभावित गर्ने विश्वास गरिन्छ। तर, उक्त कोठामा घरमूलिले सुत्नु हुँदैन।
ज्योतिषाचार्य तथा वास्तुविद् – माधवा शर्मा
सचिव – नेपाल ज्योतिष परिषद्, लुम्बिनी प्रदेश
मनकामना ज्योतिष तथा वास्तु परामर्श केन्द्र
तुलसीपुर, क लाइन, जेसिस चोक, दाङ
फोन नं: 9848060799
