दाङ, २३ कार्तिक । दाङको देउखुरीमा मोटरसाइकलको ठक्करबाट एक जनाको मृत्यु भएको छ । मोटरसाइकलको ठक्करबाट लमही नगरपालिका -४ निवासी ७३ वर्षिय नकुल सिंह ठकुरीको मृत्यु भएको हो ।
मोटरसाइकलबाट गम्भीर घाइते भएका ठकुरीको नेपालगन्ज मेडिकल कलेजमा उपचारका क्रममा मृत्यु भएको जिल्ला प्रहरी कार्यालय दाङका प्रहरी प्रवक्ता डिएसपी इश्वर थापाले जानकारी दिनुभयो ।
बिहीबार बिहान पुर्वबाट पश्चिम आउँदै गरेको रा ५ प ४३९७ नम्बरको मोटरसाइकलले ठकुरीलाई लमहीको बनगाउँ स्थित बगैसोता नजिकै ठक्कर दिएको हो । ठक्कर दिने मोटरसाइकल चालक लमही नगरपालिका -१ निवासी पंकज शर्मालाई प्रहरीले नियन्त्रणमा लिएको छ ।
प्रकाशित मिति : २०८१ कार्तिक २३ गते शुक्रवार
