दाङ, १४ कार्तिक । दाङसहित देशका धेरै ठाउँको मौसम आज सफा रहेको छ ।
जल तथा मौसम पूर्वानुमान महाशाखाका अनुसार पश्चिमी वायुका साथै पहाडी क्षेत्रमा स्थानीय वायुको पनि आंशिक प्रभाव रहेकोले पहाडी क्षेत्रमा आंशिक बदली रही बाँकी क्षेत्रमा मौसम सफा रहने छ ।
बेलुकीपख भने कोशी, बाग्मती र गण्डकी प्रदेशका पहाडी क्षेत्रका केही ठाउँमा हल्कादेखि मध्यम वर्षाको सम्भावना रहेको मौसमविद् सन्जिव अधिकारीले बताउनुभयो । तिहारको लागि विशेष जानकारीसहितको मौसम बुलेटिन भने आज दिउँसो निकाल्ने तयारी रहेको उहाँको भनाइ छ ।
प्रकाशित मिति : २०८१ कार्तिक १४ गते बुधवार
